ഭാരതത്തിലെ പഴയ മൃഗശാലകളിൽ ഒന്നായ തിരുവനന്തപുരം മൃഗശാല സ്ഥാപിതമായത് 1859 ലാണ്. കാഴ്ച ബംഗ്ലാവിൽ കൂടുതൽ സന്ദർശകരെ എത്തിക്കാനുള്ള ആശയത്തെ അടിസ്ഥാനമാക്കിയാണ് തിരുവിതാംകൂർ മഹാരാജാവ് മൃഗശാല വിഭാവനം ചെയ്യ്തത്. ഇവിടെ ഇപ്പോഴും പഴയ മൃഗങ്ങളെ പാർപ്പിച്ചിരുന്ന പഴയ ഇരുമ്പു കൂടുകളും വാസസ്ഥലങ്ങളും നിലനിർത്തിയിട്ടുണ്ട്. നിലവിൽ തുറന്നു മൃഗശാല എന്ന ആശയത്തെ മുൻനിർത്തി കൂടുകളുടെ പുനർനിർമാണവും മൃഗങ്ങളുടെ പുനരധിവാസവും നടത്തിയിരിക്കുന്നു.

ഈ പുനരുദ്ധാരണ പരിപാടി 1995 മുതൽ 96 കാലഘട്ടത്തെ തുടങ്ങി ഇപ്പോഴും പുരോഗമിച്ച് പോകുന്നു.മൃഗശാല നവീകരിക്കുന്നതിന് കേന്ദ്ര മൃഗശാല വകുപ്പിൻ്റെ നിർദ്ദേശങ്ങൾ പാലിച്ചും സംസ്ഥാന സർക്കാരിൻ്റെ ധനസഹായത്തോടുകൂടിയും ആണ്. നിലവിൽ മൃഗശാലയിൽ ഗവേഷണം, പഠനം, വന്യജീവി സംരക്ഷണം എന്നീ കാര്യങ്ങൾക്ക് മുൻഗണന നൽകുന്നു. 30 ഏക്കറുകളിൽ ആയി വ്യാപിച്ചു കിടക്കുന്ന മൃഗശാലയിൽ വിവിധ ജാതി സസ്യങ്ങളും, ജന്തുക്കളും ചേർന്ന് സന്ദർശകർക്ക് നല്ലൊരു ദൃശ്യവിരുന്ന് ഒരുക്കുന്നു. ഇവിടത്തെ കുളത്തിലും ചുറ്റുവട്ടക്കുമായി ദേശാടനക്കിളികൾ അടക്കം 60 ലേറെ ഇനം പക്ഷികളെ കണ്ടുവരുന്നു. തദ്ദേശീയമായതും വിദേശ ഇനത്തിൽപ്പെട്ട നൂറിൽ പരം മരങ്ങൾ മൃഗശാലയ്ക്ക് നല്ലൊരു ഹരിതാഭവും കുളിർമയും പകരുന്ന അന്തരീക്ഷം സജ്ജമാക്കുന്നു.