ടിക്കറ്റ് എടുക്കാം
ശ്രീചിത്ര ആര്ട്ട് ഗ്യാലറി
1935 സെപ്തംബര് 25-നാണു ശ്രീചിത്തിര തിരുനാള് രാമവര്മ്മ മഹാരാജാവ് ശ്രീചിത്ര ആര്ട്ട്ഗ്യാലറി പൊതുജനങ്ങള്ക്ക് തുറന്നുകൊടുത്തത്. തിരുവിതാംകൂര് സര്ക്കാരിന്റെ കലാ ഉപദേശകനായിരുന്ന ഡോക്ടര് ജയറാം കസിന്സാണ് ഇതിന് മുന്കൈയെടുത്തത്. ഭാരതം ഉള്പ്പെടെ ഏഷ്യയിലെ പ്രസിദ്ധമായ വിവിധ ശൈലികളിലുള്ള ചിത്രങ്ങള് ഇവിടെ പ്രദര്ശിപ്പിച്ചിട്ടുണ്ട്. ഡോക്ടര് കസിന്സിന്റെ നിര്ദേശമനുസരിച്ചാണ് ചിത്രങ്ങള് ക്രമീകരിച്ചിരിക്കുന്നത്. ചിത്രങ്ങളുടെ നല്ലഭാഗവും തിരുവിതാംകൂര് രാജകുടുംബവും കിളിമാനൂര്കൊട്ടാരവും സംഭാവനയായി നല്കിയതാണ്.
ഈ ഗ്യാലറിയില് പ്രദര്ശനത്തിലുള്ളവയില് ഭൂരിഭാഗവും രവി വര്മ്മ ചിത്രങ്ങളാണ്. കിളിമാനൂര് കൊട്ടാരത്തിലെ അംഗമായ അദ്ദേഹം 1873-ല് വിയന്നയില്നടന്ന ചിത്രകലാപ്രദര്ശനത്തില് ഒന്നാംസ്ഥാനാം നേടിയതിനെ തുടര്ന്ന് അന്താരാഷ്ട്ര പ്രശസ്തിയാര്ജ്ജിച്ചു. ഹംസദമയന്തി, ശകുന്തള, ദക്ഷിണേന്ത്യയിലെ ജിപ്സികള്, മോഹിനി രുഗ്മാംഗദാ, പാല്ക്കാരി എന്നിവ അവയില് ചിലതു മാത്രം. കിളിമാനൂര് കൊട്ടാരത്തിലെ ചിത്രകാരന്മാരായ രാജരാജ വര്മ്മ, മംഗള ഭായി തമ്പുരാട്ടി, രാമ വര്മ്മ രാജ എന്നിവര് വരച്ച ചിത്രങ്ങളും പ്രദര്ശനത്തില് ഉണ്ട്.
| പദവി | എണ്ണം |
|---|---|
| സൂപ്രണ്ട് | 1 |
| ഗൈഡ് | 1 |
| ഗാലറി അറ്റൻഡൻ്റ് | 7 |
| ഗാർഡ് | 1 |
| സ്വീപ്പർ | 2 |
| Caretaker Cerk | 1 |
- മൃഗശാല പ്രവേശന കവാടത്തിന് സമീപം
